Bumisita ako sa WP Pinoys Forum kanina. Binalak kong i-update ang aking profile. Nagulat ako sa dami ng hits ng profile ko. Parang imposible. 20,972 page views in less than a year? Ano yun, almost 60 page visits sa loob ng isang araw? Almost 60 beses sa isang araw na may tumitingin sa profile kong bukod sa walang ka-kwenta kwenta, eh tago pa?

Naisip ko lang, hindi kaya may stalker ako? Dahil hindi lang sa WPP nangyayari na bumubulusok ang page views ko eh. Pati na rin sa friendster at sa worlddj.com.

Stalker, kung sino ka man, magpakilala ka na! Hindi ako magagalit. Kung lalaki ka, maiintindihan ko na ang dahilan kung bakit mo nagagawa yan eh dahil sa gusto mo akong kilalanin ng tuluyan, pag-aralan ang aking pagkatao, para mapag-planuhan mong maayos ang pambubugbog sa akin in person.. Libre ang mangarap parekoy. At libre ko din wawasakin ang pangarap mo.

Kung babae ka naman, walang masama sa maintriga sa pagkatao ko. Kung yan naman ay paghanga, thank you. Pero mali pa rin na sundan mo ako sa lahat ng espasyo ko sa mundo ng internet. Kalabitin mo na lang ako at makikipagkaibigan ako sayo ng walang malisya. Pero kung may malisya ang gusto mo, ah eh… Please wag na. Nagbabagong buhay nako.

Ayoko ng matukso, so help me God. Amen!

Possibly Related Posts:


Like this post? Subscribe to my RSS feed and get loads more!